Skóli á grænni grein


Tálknafjarðarskóli flaggar grænfánanum svonefnda til marks um það starf sem unnið er í skólunum á sviði umhverfismenntar en skólinn fékk fánann afhentan í fyrsta sinn árið 2006.

Skólar á grænni grein er alþjóðlegt verkefni til að auka umhverfismennt og styrkja umhverfisstefnu í skólum. Þeir skólar sem vilja komast á græna grein í umhverfismálum leitast við að stíga sjö skref. Þegar því marki er náð fá skólarnir leyfi til að flagga Grænfánanum næstu tvö ár en sú viðurkenning fæst endurnýjuð ef skólarnir halda áfram góðu starfi. Grænfáninn er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum. Skrefin sjö eru ákveðin verkefni sem efla vitund nemenda, kennara og annarra starfsmanna skólans um umhverfismál. Verkefnin eru bæði til kennslu í bekk og til að bæta daglegan rekstur skóla. Þau auka þekkingu nemenda og skólafólks og styrkja grunn að því að tekin sé ábyrg afstaða og innleiddar raunhæfar aðgerðir í umhverfismálum skóla. Jafnframt sýnir reynslan í Evrópu að skólar sem taka þátt í verkefninu geta sparað talsvert í rekstri.

Græna nefnd Tálknafjarðarskóla

Sérhvern árgangur Tálknafjarðarskóla á fulltrúa í Grænu nefndinni sem er umhverfisnefnd skólans.

Skólaárið 2016-2017 skipa eftirtaldir nemendur grænu nefndina:

Ester Steinarsdóttir 2.bekk
Andrés Páll Ásgeirsson 3.bekk
Alexander Sæmundsson 5.bekk
Arnór Sigurðsson 6.bekk
Anita Steinarsdóttir 7.bekk
Andrea Guðlaugsdóttir 10.bekk Guðrún Ósk Aðalsteinsdóttir 10.bekk og Elmar Elí Sigurðsson 10.bekk

Einnig eru í nefndinni Guðlaug Björgvinsdóttir fyrir hönd grunnskólans og Jóna Valdís Guðjónsdóttir fyrir hönd foreldra.

Aðstoðarmaður Grænu nefndarinnar og verkefnisstjóri grænfánastarfsins er
Lára Eyjólfsdóttir.